წიგნის სადისტრიბუციო კომპანია „წიგნის სამყარო“ 2005 წლის მარტში დაარსდა და მას შემდეგ წარმატებით განაგრძობს მუშაობას. კომპანია დაარსებიდან დღემდე აქტიურად იღებს მონაწილეობას ყველა იმ ღონისძიებაში, რაც წიგნის სფეროში არსებულ სიახლეებს და სხვადასხვა საინტერესო პროექტს უკავშირდება. ჩვენ ყოველწლიურად ვმონაწილეობთ თბილისის წიგნის ფესტივალზე, პირველად 2007 წელს მივიღეთ მონაწილეობა ფრანკფურტის წიგნის საერთაშორისო ფესტივალში, სადაც წიგნის ერთ–ერთი ყველაზე დიდი და მასშტაბური გამოფენა–გაყიდვა იმართება. კომპანია აქტიურად თანამშრომლობს უცხოურ კომპანიებთან, რომელთა დახმარებითაც „წიგნის სამყარომ“ არაერთი საინტერესო პროექტის განხორციელება შეძლო. კომპანია წიგნის ბაზარზე ნერგავს ნოვატორულ იდეებს, რომელიც მკითხველ–მომხმარებელთა ინტერესებს და მათ გემოვნებას ითვალისწინებს, შესაბამისად სრულფასოვან მომსახურებას უწევს მათ. ამ და სხვა მიზეზთა გამო „წიგნის სამყარო“ წიგნის ერთ–ერთი მოქნილი და მომხმარებელთა ინტერესებზე ორიენტირებული სადისტრიბუციო კომპანიაა საქართველოს მასშტაბით. კომპანია პარტნიორებთან ერთად არაერთი მნიშვნელოვანი და წარმატებული პროექტის თანაავტორია, როგორიცაა მაგალითად წიგნის მაღაზიათა ქსელი „ლიბრა“, რომელიც გამოირჩევა მომსახურების მაღალი ხარისხითა და წიგნების მრავალფეროვანი ასორტიმენტით. წიგნის სამყაროში მიმდინარე პროცესების საზოგადოებისათვის ფართოდ გაცნობის მიზნით გადავწყვიტეთ გამოვცეთ ჟურნალი „წიგნი და სამყარო“. ამ პერიოდული გამოცემის სახელის შერჩევაზე დიდხანს არც გვიფიქრია. ჟურნალი საინფორმაციო–შემეცნებითია, მისი ფურცლებიდან სისტემატურად მოგაწვდით ინფორმაციას იმ სიახლეებზე, რაც წიგნის სამყაროში ხდება: ახალი წიგნების, წიგნის ახალი მაღაზიების და სხვა ნოვაციების შესახებ. ჟურნალში გთავაზობთ რუბრიკა „წიგნის ბაზრობას“. ამ გამოცემის შეძენით თქვენ შეგიძლიათ ისარგებლოთ წიგნებზე ფასდაკლებით.