აღწერა:

ძვირფასო მკითხველო, ამ  წიგნში შენ წაიკითხავ საინ­ტერე­სო ამბებს დიდ ქართველ მწერალსა და კინორეჟისორზე –  გოდერძი ჩოხელზე. იგი საქართველოს ულამაზეს კუთხეში – გუდამაყარში დაიბადა, იქ გაატარა ბავშვობა, ფერად-ფერადი ყვავილებით მორთულ ფერდობებზე დარბოდა თავის ტოლებთან ერთად და ეფერებო­და ბალახს, ჩიტებს, შავ არაგვს, თოვლის ფიფქებს...

წიგნში თავმოყრილი პატარ-პატარა ისტორიებით მინდა გაიცნოთ და შეიყვაროთ ეს საოცარი ადამიანი. იმედი მაქვს, დაინტერესდებით და წაიკითხავთ მის არაჩვეულებრივ მოთხრობებს, ლექსებს, ნახავთ მის ფილმებს და გაეცნობით სიყვარულით სავსე ულამაზეს სამყაროს, რასაც გოდერძი ჩოხელის სამყარო ჰქვია.