აღწერა:

საუკუნეების მანძილზე ბავშვთა აღზრადაში ხალხურ ზეპირსიტყვიერებას უდიდესი როლი ეკისრებოდა. თაობიდან თაობას გადაეცემოდა და იხვეწებოდა; იგი სულიერად ზრდიდა, ენას ადგმევინებდა და ცხოვრების ანბანს ასწავლიდა დიდ ქართველებს, გლეხთა თუ დიდებულთა შვილებს. ჩვენი წინაპრები თვლიდნენ, რომ ცხოვრებისეული სიბრძნე ადრეული ასაკიდანვე ნაბიჯ- ნაბიჯ, წლოვანების შესაბამისად,  უნდა მივაწოდოთ პატარას. ბავშვს მოსწონს ხალხური ლექსის ჟღერადობა,აღაფრთოვანებს მისი შინაარსი, რომელიც პატარას სამყაროს აღქმაში ეხმარება. კრებულში შეტანილია ხალხური ანდაზებიც, რომლებშიც უდიდესი ცხოვრებისეული სიბრძნეა ჩაქსოვილი. ეს წიგნი საუკეთესო საჩუქარია პატარებისთვის, რომელიც ამავდროულად შვილის აღზრდაშიც დაეხმარება მშობლებს.