აღწერა:

ზღაპრები უხსოვარი დროიდან არსებობს. მათ თაობიდან თაობას ზეპირსიტყვიერების გზით გადასცემდნენ. ხალხი იმახსოვრებდა გასართობ და შემეცნებით, სერიოზულ და მხიარულ ჯადოსნურ ამბებს. ზღაპარი მოგზაურობდა მთხრობლიდან მთხრობლამდე, ერთი ტერიტორიიდან – მეორემდე და დროთა განმავლობაში იცვლებოდა მისი შინაარსი. ძმები გრიმების ზღაპრების ამ კრებულში შესულია ისეთი ცნობილი ზღაპრები, რომელთა გარეშეც წარმოუდგენელია ნებისმიერი ჩვენგანის ბავშვობა. გრიმები ხალხურ ზღაპრებს აგროვებდნენ, ამუშავებდნენ და წიგნად გამოსცემდნენ. რამდენიმე ცნობილი ზღაპარი ფრანგი მეზღაპრის, შარლ პეროს შემოქმედებაშიც გვხვდება ზუსტად იგივე სათაურით. ეს კიდევ ერთხელ ადასტურებს იმ ფაქტს, რომ მათ შემოქმედებაში დიდია ხალხური ზეპირსიტყვიერების გავლენა.