აღწერა:

“ღმერთია მოწამე” თანამედროვე ბერძნული ლიტერატურის ერთ-ერთი გამორჩეული ნიმუშია, რომელიც 2013 წელს ევროკავშირის მთავარი ლიტერატურული პრემიით დაჯილდოვდა. რომანში ასახულია თანამედროვე საზოგადოების ის გამოწვევები, რომელთა წინაშეც ტრადიციების მიმდევარი, კონსერვატიული პრინციპების მატარებელი ბერძნული საზოგადოება და მისი ერთ-ერთი წევრი, წიგნის მთავარი გმირი – ხრისოვალანდისი დგანან. მამაკაცობაწართმეული, ოჯახისგან, უფროსებისგან, საეკლესიო პირებისა და ქალებისგან არაერთგზის დამცირებული, მაგრამ მაინც ღრმადმორწმუნე, შუახნის უმუშევარი კაცი, როგორც თანამედროვე ბერძნული საზოგადოების სარკე, რომანს ტრაგიკომიკურ ხასიათს ანიჭებს და ადამიანის მნიშვნელობას კითხვის ნიშნის ქვეშ აყენებს.