გია დანელიას საბავშვო ლექსები გულით და ბავშვებისადმი სიყვარულითაა დაწერილი. პატარა გმირებში ბევრი ალბათ საკუთარ თავს, თავგადასავლებს და ოინებს ამოიცნობს. ამ ლექსებში პერსონაჟების სახალისო, მხიარული ამბებია გადმოცემული.
თქვენ გაიგებთ, როგორ თამაშობენ ფეხბურთს თუ ომობანას ონავარი ბიჭები, როგორ ამსხვრევენ ფანჯრის მინებს და როგორ ეხვევიან სახიფათო თავგადასავლებში. გაიცნობთ ლამაზ გოგონებს, რომლებიც თოჯინებს შვილებივით უვლიან, წამლის ყლაპვას კი ნაყინით და ხილით პირის ჩატკბარუნება ურჩევნიათ.
ამ წიგნში გაეცნობით ჩვეულებრივი, საყვარელი, ცელქი პატარების თავგადასავლებს.
