ამ უნიკალური ლექციების სერიაში, ოშო განმარტავს „ოქროს ყვავილის საიდუმლოს“ – ანტიკურ ტექსტს, რომელსაც იგი დაოიზმის არსად მოიხსენიებს. ეს ტექსტი ყველა რელიგიისა და სულიერი გზის ბირთვია, რომელიც ერთდროულად არავის და ყველას ეკუთვნის. 2500 წლის წინ შექმნილი ეს გასაოცარი ტექსტი დღესაც ისეთივე აქტუალურია, როგორც ძველ დროში.
ოშო ხსნის ჩინელი მისტიკოსის, ლუ ძის მიერ გამოყენებულ მნიშვნელოვან ტერმინებს და მის მედიტაციურ ვარჯიშებს გვიზიარებს. იგი ასევე განმარტავს ანიმასა და ანიმუსის (ჩვენი მასკულინური და ფემინური ენერგიების) თვისებებს, როგორც ამას ლუ ძი აღწერს, და ხაზს უსვამს მათი ურთიერთობის მნიშვნელობას თითოეულ ჩვენგანში. ოშო ასევე უამრავ ღირებულ ტექნიკას გვთავაზობს და იძლევა კონკრეტულ მითითებებს დაოსური „ოქროს ნათების“ მედიტაციის შესახებ, რომელიც მასკულინური და ფემინური ელემენტების ჰარმონიზაციას და სექსუალური ენერგიის ტრანსმუტაციას მოიცავს.
ეს წიგნი, რომელიც ოშოს მიერ „ოქროს ყვავილის საიდუმლოს“ შესახებ წაკითხული ლექციების მარადიული კრებულია, გაჩვენებთ, თუ როგორ არ დარჩეთ მარცვალად, არამედ იქცეთ იმად, რასაც ჩინელები „ოქროს ყვავილს“ უწოდებდნენ. ინდოეთში მას „ათასფურცლიანი ლოტოსის“ სახელით იცნობენ. ოქროს ყვავილი არის სიმბოლო, რომელიც განასახიერებს სრულყოფილებასა და მთლიანობას. იგი პოტენციალის რეალიზაციას, ყოფიერების სილამაზეს, სიდიადესა და ბრწყინვალებას ასახავს.