"დაჩის ზღაპრების" პირველი გამოცემიდან საკმაოდ დიდი დროა გასული. მას შემდგომ ბევრი რამ შეიცვალა მსოფლიოში, აღარც ახლანდელი ბავშვები არიან ისეთები, როგორებიც მაშინ იყვნენ და არც თანამედროვე აცტორები წერენ ასეთ ზღაპრებს, მაგრამ მიუხედავად ამისა, ამ წიგნის პოპულარობას არაფერი დაჰკლებია. განთქმულ მონადირე დაჩიზე მოთხრობილი ამბები დღესაც ისევე ხიბლავს ბავშვებს (და იქნებ მოზრდილებსაც) როგორც მაშინ და არა მარტო საქართველოში. დაჩის შორეულ იაპონიასა და ჩინეთშიც კი იცნობენ და გაგონილი გვაქვს, ქართველი ბავშვებივით უყვართ.
იმედი გვაქვს, ახალი რედაქციითა და ილუსტრაციებით გამოცემული ეს წიგნი იმ ბავშვებს მაინც გაახარებს, რომლებიც კომპიუტერის ტყვეებად ჯერ კიდევ არ ჩამოყალიბებულან, მათ მშობლებს კი ქართველი ტრადიციები და ცხოველების წესი ცხრა მთისა და ცხრა ზღვისგაღმელ "მოაზროვნეთა" გამოგონილ ღირებულებებში არ გადაუცვლიათ.
 (1).png "Supported cards"){kind=icon}