ლორანს პლაზნეს პირველი რომანი “მარტოსული სიყვარული” 2005 წელს გამოიცა. დებიუტანტის გამოჩენა წარმატებული აღმოჩნდა და იგი ევროკავშირის ლიტერატურული პრემიის ლაურეატი გახდა.
“მარტოსული სიყვარული” – ეს არის რომანი მარადიულ, გიჟურ და ტრაგიკულ სიყვარულზე; გრძნობაზე, რომელიც დროისა და მარადიულობის საზღვრებს სცდება. დედამიწა ვერ იტევს ასეთ სიყვარულსა და თავბრუდამხვევ ურთიერთობებს. მწერალი გვიჩვენებს ქალისა და მამაკაცის დამოკიდებულებას სიყვარულისა და ცხოვრების მიმართ. ვის შეუძლია უყვარდეს უფრო ძლიერად – ქალს თუ მამაკაცს? ამ შეკითხვას, ალბათ, მკითხველი უპასუხებს, როდესაც რომანში აღწერილ ორი ადამიანის განსაკუთრებულ ურთიერთობას საკუთარი პრიზმიდან შეხედავს.
