ოლივერ საკსის ბესტსელერი „ანთროპოლოგი მარსზე“ ნევროლოგიურ დარღვევებსა და ადამიანის გონების პარადოქსებზე გვიყვება. წიგნი შვიდ არაორდინარულ ისტორიას აერთიანებს, რომლებშიც ავტორი დაუოკებელი ცნობისმოყვარეობით მოგვითხრობს იმ ადამიანებზე, რომლებიც რეალობას სრულიად განსხვავებული რაკურსით აღიქვამენ.
მათ შორის შეხვდებით ქირურგს, რომელიც, ტურეტის სინდრომის მიუხედავად, რთულ ოპერაციებს წარმატებით ატარებს; აუტიზმის მქონე პროფესორს, რომელიც ძალიან კარგად იცნობს ცხოველთა ქცევას, მაგრამ ადამიანებთან ურთიერთობაში თავს ისე გრძნობს, როგორც ანთროპოლოგი მარსზე.
საკსი ამ არაჩვეულებრივი შემთხვევების მაგალითზე გვიჩვენებს, რას ნიშნავს იყო ადამიანი უსაზღვროდ მრავალფეროვან სამყაროში.
 (1).png "Supported cards"){kind=icon}