ამ წიგნის მიზანია, დაარწმუნოს მკითხველი, რომ აუცილებელია, თავისუფალმა სამყარომ მოვლენებს ობიექტურად შეხედოს და განვლილი თუ მიმდინარე პოლიტიკური სიტუაციები ცივი გონებით გაანალიზოს. ასეთი მიდგომის გარეშე ამ წიგნის წაკითხვას აზრი არ ექნება.
2014 წლის აგვისტოში პირველი მსოფლიო ომის პირველი გასროლა გაისმა და ამით დასრულდა ისტორიის მკაფიოდ განსაზღვრული პერიოდი, რომელიც საფრანგეთის რევოლუციის მიწურულს დაიწყო და რომლის უშუალო გავლენაც პირველ მსოფლიო ომამდე გაგრძელდა. მთელი ამ ხნის განმავლობაში ყველა სახელმწიფო თავის ძირითად პრინციპებს საშინაო პოლიტიკასა და საერთაშორისო ურთიერთობებს უსადაგებდა.
