ლევან მუსხელიშვილი ახლა 70 წლის არის, ბიოლოგიის მეცნიერებათა დოქტორია, 27 წელიწადია ცხოვრობს და მუშაობს აშშ-ში, არკანზასში, ამერიკაში გამოქვეყნებული აქვს 60-ზე მეტი სამეცნიერო ნაშრომი. მოთხრობების წერა 2015 წელს დაიწყო და... 2018 წელს გახდა ლიტერატურული კონკურსის „საბას“ ლაურეატი კატეგორიაში „პროზაული კრებული“.

მისი მოთხრობის სიუჟეტები სხვადასხვა დროსა და ქვეყანაში ვითარდება, მისი გმირებიც, შესაბამისად, მიმოფანტული არიან დროსა და სივრცეში, მაგრამ, მიუხედავად ამისა, ავტორი მიზნად ისახავდა, რომ მათი ნამდვილი მოქმედების ადგილი გმირების შინაგანი სამყარო ყოფილიყო; სამყარო, რომელსაც მათი სული და გონება ქმნიან. და ეს მას გამოუვიდა.