ნორვეგიელი მწერალი იუსტაინ გორდერი – საბავშვო წიგნების, რომანებისა და მოთხრობების ავტორი – 1952 წელს დაიბადა ოსლოში. მისი ყველაზე ცნობილი რომანია „სოფის სამყარო“, რომელიც მეოცე საუკუნის 90-იანი წლების ბესტსელერად იქცა. ეს არის წიგნი, რომელიც გამოსვლისთანავე სამოცამდე ენაზე ითარგმნა და მილიონიანი ტირაჟებით გამოიცა ბევრ ქვეყანაში. 1994 წელს ამ წიგნისთვის მწერალმა გერმანიის ლიტერატურული პრემია მიიღო.
