ტონი მორისონი (1931-2019) აფროამერიკული ლიტერატურის ერთ-ერთი ყველაზე მნიშვნელოვანი წარმომადგენელია − პირველი აფროამერიკელი ავტორი ქალი, რომელმაც ლიტერატურის დარგში ნობელის პრემია მიიღო. ის ასევე პულიცერის პრემიის მფლობელია. რომანში „სულა“ ავტორი ფერადკანიანთა ერთ პატარა დასახლებას გვაცნობს, სადაც სრულიად საპირისპირო გარემოში აღზრდილი ორი გოგონა − სულა და ნელი − ერთმანეთს უმეგობრდება და ამ განსაკუთრებულ ურთიერთობასა და სულიერ სიახლოვეს საბოლოოდ ღალატიც კი ვერ ერევა.
