წინასაანბანო პერიოდი არა მხოლოდ მოსამზადებელი დროა საანბანო პერიოდზე გადასასვლელად, არამედ განსაზღვრავს მთელ შემდგომ სასკოლო ცხოვრებას და 
ამიტომ უმნიშვნელოვანესი ეტაპია.
მასწავლებელს ამ პერიოდის გასავლელად სჭირდება დაკვირვების დრო და მასალები, 
რათა დაადგინოს მოსწავლეთა საჭიროებები და თვალი ადევნოს მიღწევებს. 
ჩვენ შევეცადეთ, ეს კრებული სწორედ ასეთი რესურსი ყოფილიყო.
გამოვყავით 8 მიმართულება: 1. მოსმენილის გააზრება; 2. მეტყველება; 3. ლოგიკური აზროვნება; 4. ფონოლოგია; 5. მოტორიკა; 6. შემოქმედებითობა; 7. სოციალური უნარები; 8. მომზადება კითხვისთვის. თითოეულში მოცემულია მრავალფეროვანი აქტივობები.
მნიშვნელოვანია, ერთი გაკვეთილის ფარგლებში დავალებები კრებულში შეასრულოთ სხვადასხვა თემიდან, რათა გაკვეთილი კიდევ უფრო საინტერესო და სახალისო გამოვიდეს.
რამდენ ხანს უნდა გაგრძელდეს წინასაანბანო პერიოდი სკოლაში?
ჩენი კონცეფცია საშუალებას გაძლევთ, ეს დრო თქვენ განსაზღვროთ კლასის მზაობის მიხედვით: იქნება ეს 3, 6 თუ 8 კვირა.
კრებული ისეა შედგენილი, რომ საბავშვო ბაღის მოსამზადებელ საფეხურზეც შეიძლება მისი გამოყენება.