ავტორების, პედაგოგებისა და მშობლების საერთო მიზანია, შევაყვაროთ მოსწავლეებს მშობლიური ენა, გავუღვივოთ ინტერესი ლიტერატურისადმი, გავხადოთ შემოქმედებითი პროცესის თანამონაწილეები და ინიციატორები.
ამ კრებულის მომზადებისას ჩვენ შევეცადეთ, მოსწავლეთათვის გვესწავლებინა არა მხოლოდ წერა-კითხვა, არამედ მშობლიური ენისა და ლიტერატურის სამყარო წარმოგვეჩინა მათთვის საინტერესო კუთხით, მიგვეწოდებინა ისეთი მასალა, რომელიც გაუზრდის ცნობისმოყვარეობასა და ინტერესს საგნისადმი; განსაკუთრებულსა და დასამახსოვრებელს გახდის თითოეულ გაკვეთილს; ხელს შეუწყობს მოსწავლეებში კომუნიკაციის, თანამშრომლობის, ანალიზის, ინტერპრეტაციის, შეფასებისა და რეფლექსიის უნარების ფორმირებას.
ამ ნაწილში მოსწავლეებს მრავალფეროვანი საკითხავი მასალა და სავარჯიშოები ელით: ზღაპარი, მოთხრობა, ლექსი, შემეცნებითი ტექსტი, კომიქსი…
ყველა წერითი სამუშაო წიგნებშივეა ინტეგრირებული და, შესაბამისად, მოსწავლეს დამატებით მხოლოდ ცარიელ ბადეში ვარჯიში შეიძლება დასჭირდეს.
სასიამოვნო მოგზაურობას გისურვებთ ქართული ენისა და
ლიტერატურის სამყაროში!
 (1).png "Supported cards"){kind=icon}