ერთი აღვირახსნილი წიგნი არ ეყო ერს და ახლა მეორე გამოვიდა. იქ კი იყო მინიშნება 209-ე გვერდზე გადაშალეთო, მაგრამ აქ ყველა გვერდზე ეგ არის. ამ წიგნმა შეიძლება ერი ვერ გაანათლოს, მაგრამ დემოგრაფიულ პრობლემებს ნამდვილად მოაგვარებს. აქ ისეთი ამბები დატრიალდება, დედა შვილს ცხრა თვის შემდეგ აიყვანს ხელში, მკითხველს კი თავის ხელში აყვანა ნამდვილად გაუჭირდება. დატკბით ფრანგი მეღვინისა და ქართველი ხელოვანის სიყვარულის ისტორიის გაგრძელებით. გამოგვყევით ისეთივე თავბრუდამხვევ მოგზაურობაში, როგორიცაა ბალერინების ტრიალი შავი გედის პარტიიდან. შეეგებეთ ფრანგულ შემოდგომას, ახალ წელს და იმოგზაურეთ წიგნის გმირებთან ერთად. მოკლედ, ყველაფერი ის, რაც უდიდეს სიამოვნებას მოგგვრით ამ წიგნშია, ამიტომ მოემზადეთ, ენით დაისველეთ თითები და გადაშალეთ წიგნი.
