რომ არა საბავშვო ჟურნალი „დილა“, ალბათ ეს წიგნი არ დაიწერებოდა. 2019 წელს ხვლიკ კოსტაზე შეთხზული პატარა ამბავი „დილაში“ გამოქვეყნდა. მის გაგრძელებაზე არც კი მიფიქრია, თუმცა მწვანე ხვლიკმა მოსვენება დამიკარგა და „დილაში“ კიდევ 15 ამბავი მომაყოლა. 2021 წელს კოსტაზე დაწერილი ახალი მოთხრობები ლიტერატურულ ჟურნალ „განთიადის“ ფურცლებზეც დაიბეჭდა. ვემადლიერები ყველა იმ ცხოველსა თუ ფრინველს, რომელთაც წიგნის პერსონაჟები შთამაგონეს. - ავტორი
