საქართველოს ეროვნული საფეხბურთო ნაკრების სტატისტიკის წიგნი N3 1990-2020
ეროვნული საფეხბურთო ნაკრების საერთაშორისო დებიუტიდან 2020 წლის 27 მაისს 30 წელი შესრულდა. თითქმის ყველა წინაპირობა იყო საიმისოდ, რათა მრგვალი თარიღი საქართველოში შესაბამისად აღნიშნულიყო. კორონავირუსის გავრცელებით გამოწვეული პანდემიის გამო, UEFA-ს კალენდარმა ცვლილება განიცადა და თბილისში მარტში დადედმილმა ერთა ლიგის D დივიზიონის პლეი-ოფმა შემოდგომისთვის გადაიწია. ეჭვგარეშეა, ქართველ "ჯვაროსნებს"ბელარუსთან და ჩრდილოეთ მაკედონიასთან გაცილებით მეტი შანსი ექნებოდათ მატჩები რომ საკუთარი გულშემატკივრებით სავსე ტრიბუნების თვალწინ ეთამაშათ. სამწუხაროდ, 2020 წლის ოქტომბერ-ნოემბერში თბილისმა, პანდემიური რისკების თავიდან ასაცილებლად, უმაყურებლოდ უმასპინძლა საპლეიოფე მეტოქეებს და ევროპის ჩემპიონატის ფინალურ ეტაპზე ისტორიაში პირველად გასვლა ვერ შეძლო.12
ყველაფრის მიუხედავად, "ჯვაროსანთა" ისტორია გრძელდება. მათი ასპარეზობებით შექმნილი "ციფრული კალეიდოსკოპი" კიდევ უფრო მრავალფეროვანი ხდება. ეროვნული გუნდის სტატისტიკა უკვე 250 მატჩის შედეგების საფუძველზეა შედგენილი. გვინდა, რომ მალე ცალკეული კი არა, სატურნირო გამარჯვებების დროც მოვიდეს.
