ძვირფასო ბატონო პოტერ,
მოხარულნი ვართ, გაცნობოთ, რომ თქვენ ჩაირიცხეთ ჰოგვორტსში – მაგიისა და ჯადოქრობის სკოლაში.
გეგზავნებათ სია, რომელშიც ჩამოთვლილია ყველა აუცილებელი სახელმძღვანელო და ხელსაწყო. სწავლა დაიწყება 1 სექტემბერს. ველით თქვენს ბუს არაუგვიანეს 31 ივლისისა.
საუკეთესო სურვილებით მინერვა მაკგონაგელი, დირექტორის მოადგილე
ჰარი პოტერის ცხოვრებას მისივე მე-11 დაბადების დღეზე ხოჭოსთვალება და უცნაური გოლიათის, რუბეუს ჰაგრიდის ვიზიტი სამუდამოდ ცვლის. ჰაგრიდის მოტანილი წერილი ბიჭს საოცარ ამბებს ატყობინებს – ის ჯადოქარია, ხოლო მისი მშობლები ავარიამ კი არა, ლორდი ვოლდემორის სასიკვდილო წყევლამ იმსხვერპლა.
აი, ასე იწყება თავგადასავალი ბიჭისა, რომელიც გადარჩა…
თქვენ წინაშეა ჯ. კ. როულინგის უკვდავი წიგნის პირველი დასურათებული გამოცემა, რომელიც ცნობილი ილუსტრატორის, ჯიმ ქეის ფერადი ნახატებითაა გაფორმებული. ჯადოსნური სამყაროს გმირებისა და ამბების თვალისმომჭრელი ილუსტრაციები მკითხველს დაუვიწყარ თავგადასავალს ჰპირდება.
