რობერტო ბოლანიო (1953-2003) დაიბადა ჩილეში, შემდეგ ცხოვრობდა.მექსიკაში, სალვადორსა და ესპანეთში. მისმა რომანმა „ველური დეტექტივები“ გამოცემისთანავე მოიპოვა უდიდესი.წარმატება და პრესტიჟული პრემიების ლაურეატი გახდა, ხოლო ქრონიკებისა და დეტექტიური ჟანრის.ხერხებით შექმნილი ეს თითქმის ავტობიოგრაფიული რომანი კრიტიკამ.ჩვენი დროის ერთ-ერთ საუკეთესო და ორიგინალურ ნაწარმოებად მიიჩნია.

მისი მთავარი გმირები არიან ახალგაზრდა, ავანგარდისტი.პოეტები, რომლებიც, როგორც ყველა თაობის ახალგაზრდა ხელოვანნი, ესწრაფვიან, შეცვალონ ხელოვნებაში.დამკვიდრებული ფორმები და თავიანთი, სრულიად განსხვავებული.სიტყვა თქვან ლათინური ამერიკის პოეზიაში. ბოჰემური ცხოვრება, სწრაფვა წარმატებისაკენ, სიყვარული, სიკვდილი, იმედგაცრუება – აი, ის მთავარი თემები, რომლებსაც რომანის.კითხვისას ვაწყდებით.

ნაწარმოები ღირებულია იმითაც, რომ მასში წამოჭრილი საკითხები.ერთ კონკრეტულ თაობას, ერთ კონკრეტულ ქვეყანას კი არა, ზოგადად ყველა ახალგაზრდა ხელოვანის ბედსა თუ.უბედობას ეხება პოეზიისა და ცხოვრების ურთულეს გზაზე.