ცხოვრებისეული გამოცდილების შეძენის მიზნით, ინგლისის არისტოკრატები შვილებს თავიანთ კოლონიებში აგზავნიდნენ. ასე მოხვდა 19 წლის ჰაგარდი ოქროს საბადოებით განთქმულ სამხრეთ აფრიკაში. დაკვირვებულმა, ცნობისმოყვარე და სხარტი გონების ახალგაზრდამ შეისწავლა შავკანიანთა ტომების ადათ-წესები, ლეგენდები და მითები. მას თავს გადახდა უამრავი რამ, რაც შემდგომ თავის რომანებში აღწერა. `სოლომონ მეფის საგანძური~ სულ რამდენიმე დღეში გახდა ბესტსელერი. ასეთი დიდი წარმატება, უპირველეს ყოვლისა, განაპირობა ოქროსმაძიებელთა უდიდესმა ინტერესმა. ისინი სოლომონ მეფის საგანძურის ზუსტი ადგილსამყოფელის გამხელას სთხოვდნენ მწერალს. მაგრამ ამ რომანის წარმატების მიზეზი მხოლოდ ეს რომ ყოფილიყო, მაშინვე ჩაიფერფლებოდა, როგორც კი საზოგადოების ინტერესი შესუსტდა სამხრეთ აფრიკისადმი. ამ წიგნში ცოცხლობენ ვაჟკაცური ხასიათით, პირდაპირობითა და კეთილშობილებით გამორჩეული გმირები. ისინი ბევრ რამეს ასწავლიან და ბევრ რამეზე დააფიქრებენ მოზარდს, რომელსაც წინ დიდი გზა აქვს გასავლელი... ამიტომაცაა, რომ ამ მარტივი, ყოველგვარი მაღალფარდოვანი სიტყვების გარეშე დაწერილ წიგნს დღემდე გატაცებით კითხულობენ მთელ მსოფლიოში და ასე იქნება მუდამ, რადგან კლასიკა უკვდავია!
