ეს წიგნი კეთილ ბიჭუნაზე, დათოზე გვიამბობს. მართალია, მას სიარული არ შეუძლია, მაგრამ
სხვებზე ზრუნვას მაინც ახერხებს. დაუჯერებელია, მაგრამ ერთხელ ფუტკრებიც კი გადაარჩინა

აუზში დახრჩობას; დაეხმარა მწერებსაც, ჩიტებსაც... მადლიერი მწერები და ფრინველები თავადაც
ეხმარებიან სათნო ბიჭს. ნაწარმოებში ყურადღება გამახვილებულია მშობლიური მხარის
სიყვარულზე, ურთიერთდახმარებაზე, თავდადებაზე, წიგნთან დამეგობრებაზე... აღსანიშნავია,
რომ წიგნი გაფორმებულია ავტორის ნაქარგებით, რაც პირველი შემთხვევაა ქართულ საბავშვო
ლიტერატურაში. ახლა კი, ჩვენო პატარა მკითხველო, სავარძელში მოხერხებულად მოკალათდი და
კითხვა განაგრძე.