ძვირფასო ბავშვებო, ამ სახალისო წიგნში გაიცნობთ პატარა და მხიარულ ზღარბს, ზაბიზუბის, რომელიც შაბათ-კვირას საყვარელ ბიცოლა ზიზისა და ბიძია ზუზუს სტუმრობს. ზაბიზუბი ზაბიზუბურ სიმღერას მღერის; ზაბიზუბურ საძინებელ ოთახში იძინებს და სანუკვარი, ზაბიზუბური ოცნებაც უსრულდება. საინტერესო და ხალისიანია მისი ორდღიანი თავგადასავალი: დიდი ხის ფუღუროში დედა ბუსა და პატარა ბარტყებს გაიცნობს, დაუმეგობრდება მხიარულ ანა-მარიას და ერთად, დროს არაჩვეულებრივად ატარებენ, მაგრამ, ხანდახან გაუთვალისწინებელი ამბებიც ხდება... გინდათ გაიგოთ, როგორ ჩავარდა ზაბიზუბი მწვანე საღებავით სავსე ქილაში, როგორ გახდა მოსიარულე ბუჩქი და როგორ იპოვა ანა-მარიამ დაკარგული მეგობარი, მაშინ გადაშალეთ ულამაზესი ილუსტრაციებით გაფორმებული ეს არაჩვეულებრივი წიგნი და გულდასმით წაიკითხეთ.
