ყოველ დროში და ყოველ ერში არსებობენ ადამიანები, რომლებიც ხალხის განსაკუთრებული სიყვარულით სარგებლობენ. ასეთია რობინ ჰუდიც - ინგლისის ლეგენდარული გმირი. ის მეფე რიჩარდ ლომგულის (1157-1199) დროს ცხოვრობდა. დიდი შექსპირი რობინ ჰუდზე წერდა: `ამბობენ, რომ შერვუდის ტყეში თავის მხიარულ მეგობრებთან ერთად ცხოვრობს რობინ ჰუდი. თურმე მის რაზმს ხალხი ყოველდღე ემატება და დროს უდარდელად ატარებენ, როგორც ეს ოქროს საუკუნეში იყოო". მამაცი, ჭკვიანი და მოხერხებული, უბრალო ხალხის მოსარჩლე რობინი ყოველთვის გულმოწყალე იყო ქალებისა და ბავშვების მიმართ. არასდროს ტოვებდა მეგობრებს განსაცდელში. რობინ ჰუდი ერთადერთია ინგლისის ისტორიაში, რომელიც ხელისუფლებამ სიცოცხლეშივე შეიწყალა. ამ დღეს უბრალო ხალხი, მეფეები, თავადები, ქალაქის ხელისუფლება, როგორც ინგლისში, ასევე შოტლანდიაში მის პატივსაცემად სახალხო ზეიმსა და ტურნირებს აწყობდა. რობინ ჰუდზე მრავალი წიგნი და ფილმი არსებობს. ერთ-ერთია ეს წიგნიც, რომელიც ინგლისური ხალხური გადმოცემების მიხედვითაა შედგენილი.
 (1).png "Supported cards"){kind=icon}