როგორც თავად ამერიკელი კლასიკოსი მწერალი რიჩარდ ბახი გვიმხელს, ეს ავტობიოგრაფიული რომანი გულის საიდუმლოს ამოხსნისა და ერთადერთი, სულის თანაზიარი, ჭეშმარიტი სიყვარულის ძიებას ეძღვნება. არადა, ამ დროს ქედმაღალ ავტორს ბედნიერება ცხვირწინ უდევს. შეძლებს კი მწერალი თავის თავს გადააბიჯოს? რატომ ფიქრობს, რომ ფული ბოროტებაა, რომელიც ყველაფერს აუფასურებს? რაშია ცხოვრების აზრი? ეს კითხვები გზადაგზა გვაფიქრებს და თავადაც გვიჩნდება ლეგი-ტიმური კითხვა: რა საჭიროა მოთხოვნების ათგვერდიანი ნუსხის ჩამოწერა, რომელსაც შენს მეორე ნახევარში ეძებ. ამით ხომ საკუთარ თავს იზღუდავ და ზიანსაც აყენებ? პარტნიორს ეძებ თუ სამსახურის თანამშრომელს? რომანის დასასრულს მწერალი თავს ანებებს ტვინის ჭყლეტას და მკითხველი ერთგვარ სიმსუბუქეს გრძნობს: „ღმერთო, როგორც იქნა, მიხვდა!“ რომანი მრავალი ინტერპრეტაციის საშუალებას იძლევა. ერთი რამ კი უდავოა: ჩვენს რეალობაში ასეთ გულწრფელ ავტობიოგრაფიულ რომანს იშვიათად შეხვდებით.
 (1).png "Supported cards"){kind=icon}