ყველა ადამიანს გააჩნია რაღაც სანუკვარი და საოცნებო, მუდამ თან რომ სდევს, ბოლოს კი, მისი ცხოვრების განუყრელი ნაწილი ხდება. ასე იქცა სოფელში გატარებული ბავშვობის წლები დოდო ხიმშიაშვილი-ვადაჭკორიას მუდმივ თანამგზავრად და არაჩვეულებრივი მოთხრობების სიუჟეტებად. „სოფელი“ – ამ სიტყვის წარმოთქმისას თვალწინ წარმოგვიდგება ლამაზი ბუნება, სუფთა ჰაერი, ჩიტების გალობა, კამკამა წყარო, ბოსტანი, მდინარე, უკიდეგანო ველები... სოფელი ის ადგილია, სადაც, მწერლის მსგავსად, შენც შეგიძლია ერთი კალთა სიყვარული შეაგროვო. ეს ისეთი სიყვარულია, რომელიც მთელი ცხოვრება ტკბილ მოგონებად გაგყვება და რომელსაც, ისევე როგორც ბავშვობას, ვერასდროს დაიბრუნებ. ამ კრებულში თავმოყრილი მოთხრობებიდან ბავშვი გაიგებს მეგობრობისა და სიკეთის ძალას, ისწავლის შრომისმოყვარეობას, თანადგომას, მზრუნველობას, სამშობლოსა და ბუნების სიყვარულს...
 (1).png "Supported cards"){kind=icon}