ქართული საბავშვო ლიტერატურის კლასიკოსის, მრავალი ჯილდოს მფლობელის, ქეთევან ჭილაშვილის მოთხრობები დაწერილია ბავშვებისთვის მარტივი, თუმცა მაღალმხატვრული ენით. მისი მოთხრობები აფართოებს ბავშვის წარმოდგენებს ადამიანთა ურთიერთობებსა და გარე სამყაროზე, ავითარებს ლოგიკურ და წარმოსახვით უნარებს, მახსოვრობას, ამდიდრებს ბავშვის ლექსიკურ მარაგს... ყოფითი ხასიათის მოთხრობებიდან ბავშვი სწავლობს: როგორ გახდეს კარგი მეგობარი, როგორ მოაგვაროს კონფლიქტი, როგორ მიაღწიოს სასურველ მიზანს, რა არის სიკეთე, ამპარტავნება... მოთხრობებში საკმაო დოზით არის იუმორი, რაც კითხვის პროცესს სახალისოს ხდის.
