ჩვეულებრივ, არდადეგებზე მოსწავლეები ისვენებენ ან მოგზაურობენ, ვირას კი იძულებითი, ომით გამოწვეული არდადეგები აქვს. გოგონა მშობლებთან და უმცროს ძმასთან ერთად საცხოვრებლად გადადის მრავალსართულიანი სახლის სარდაფში, სადაც ბომბებს ემალებიან. ოჯახი ცდილობს, ახალ რეალობას მოერგოს: თოვლს ადნობენ, როცა წყალი უთავდებათ; სიმღერით თბებიან, როცა გათბობა ეთიშებათ; თავს იმშვიდებენ, რომ ახლობლები უსაფრთხოდ არიან, როცა სატელეფონო კავშირი წყდება... ეჩვენებათ, რომ რეალური სამყარო ინგრევა და მისი აღდგენა მხოლოდ წარმოსახვაში ან კომპიუტერულ თამაშში შეიძლება. ამხნევებენ გარშემომყოფებს და საკუთარ თავში სინათლეს ეძებენ...
უკრაინელი გოგონას სულისშემძვრელი ისტორიის გარდა, ამ წიგნში წაიკითხავთ ცნობილი ფსიქოლოგის, სვიტლანა როიზის რჩევებს იმაზე, თუ როგორ შევამციროთ შფოთვა და აღვიდგინოთ სიმშვიდე.
